زجل لأغلى وأحن وأروع وأطيب أُم
..............................................
يا أمي يا نعمة سماوية ... يا ركيزة الكون الأساسية
يا عين ما بتنام ليل ونهار ... يا قلب خالي من الأنانية
مين مثلك عالطفل بيغار ... بلهفة ومحبة وصفا نية
لولا حنانك ما بتعمر دار ... ولا شعت قناديل سحرية
الأم شمعة وعاطفة وأنوار ... لو تنطفي بتظل مضوية
قديش ما في مية بالبحار ... مش ربع ما بالأم حنية
كل الحلا والحسن والأزهار ... قلبك عطاهم للدنيا هدية
بتظل افضالك علي كثار ... شامخة عالآلئ كونية
يا ناس حب الأم ماله أسعار ...وما بينشرى بعملة أوروبية
مش بس حب الأم واجب صار ... إلا بالأمانة بعمقي مطوية
يا رب تحميها من الأخطار ... وسهل أمور الناس كليه
بالأم ياما تاجروا التجار ... تالقرآن إجا بحقوقها الشرعية
بالله صلوا عالنبي المختار ... حررها من عصر العبودية
وإللي بأمه عمل استعطار ... جهنم على جلده تظل مصلية
الأم ربتنا واحنا صغار ... وتتمنى لنوصل عمر مية
يا رب تحميها من الأخطار ... وسهل أمور الناس كليه
الأم رمز ومشعل وتذكار ... ما بينتسى يا خية
الأهرام مهما تشيدت بحجار ... بيزا وإيفل وتمثال الحرية
كل منها لابد ما ينهار ...ويظل اسم الأم للقيامة شامخ على كل البشرية
وجدت هذه الزجلية بين وريقاتي أرجوا أن تعجبكم وتعجب ست الحبايب
